Karen: The Uluru Statement from the Heart
Mark as played
Share
About the episode
ဖဲ ၂ဝ၁၇ လါမ့ၤအတီၢ်ပူၤ ပှၤထူလံၤဖိလၢအမ့ၢ် ပှၤအဘီရကၠ့ၤနၢၤဒီး ထီရ့ၣ်စထြ့ၣ်အါလဲဒၢၣ် ခၢၣ်စးသ့ၣ်တဖၣ် ထံလိာ် အိၣ်ဖှိၣ်ဖဲ First Nations National Constitutional Convention — “ပှၤထူလံၤဖိဒီကလုာ်တၢ်ဘျၢသဲစးခိၣ်သ့ၣ်ခဝ့ရှၢၣ်” ဘူးဖဲ “အူလူရူ” ဒီး ဒုးအိၣ်ထီၣ်ဝဲဒၣ် Uluru Statement from the Heart - “အူလူရူတၢ်ဘိးဘၣ်ရၤလီၤဟဲန့ၢ်လၢသးပူၤ” န့ၣ်လီၤ. ဒ်သိးတၢ်ကပာ်ပနီၣ်ပှၤထူလံၤဖိသ့ၣ်တဖၣ် ဖဲအီစထြ့လယါကီၢ်တၢ်ဘျၢသဲစးခိၣ်သ့ၣ်အပူၤအဂီၢ် တၢ်ဘိးဘၣ် သ့ၣ်ညါအံၤ ဟ့ၣ်လီၤတၢ်နဲၣ်ကျဲ လၢတၢ်ကဘှီဂ့ၤထီၣ်တၢ်ဂ့ၢ်သၢထံၣ် လၢအမ့ၢ် — Voice, Treaty and Truth - “ကလုၢ်, တၢ်သးလီၤပလိာ် ဒီး တၢ်မ့ၢ်တၢ်တီ” န့ၣ်လီၤ. ဖဲလၢ “ပှၤထူလံၤဖိဟိၣ်ကဝီၤတၢ်တၢၣ်ပီၣ်သကိး” ၁၃ဘျီ, တၢၣ်ပီၣ်တဲသကိး ဝဲဒၣ်တၢ်ဂ့ၢ်တၢ်ကျိၤထံထံဆးဆး ယံၤဝဲဒၣ် ၂နံၣ်, ဒီးပှၤအဘီရကၠ့ၤနၢၤ ဒီးထီရ့ၣ်စထြ့ၣ်အါလဲဒၢၣ်ခၢၣ်စး ၂၅ဝဂၤ သးလီၤပလိာ်ဝံၤအလီၢ်ခံ တၢ်ဒုးအိၣ်ထီၣ်ဝဲဒၣ် တၢ်ဘိးဘၣ်ရၤလီၤအံၤန့ၣ်လီၤ. ဒ်သိးကမၤန့ၢ် တၢ်မၤဃူမၤဖိးက့ၤ တၢ်လၢအတအိၣ်ဒီး တၢ်ဟ့ၣ်ဃၣ်ကွံာ်တၢ်စိတၢ်ကမီၤ လၢတၢ်ပၢလီၤက့ၤနီၣ်ကစၢ်သးအဂီၢ် တၢ်အံၤမ့ၢ်တၢ်ဃုကျဲ လၢအက ဒုးအိၣ်ထီၣ် ကီၢ်အီစထြ့လယါ ပှၤထူလံၤဖိဒီး ပှၤအီစထြ့လယါဖိအဘၢၣ်စၢၤ တၢ်ရ့လိာ်မုာ်လိာ် လၢအသန့ၤထီၣ်အသးလၢ တၢ်တီတၢ်တြၢ်ဒီး တၢ်စံၣ်ညီၣ်ပၢလီၤက့ၤနီၣ်ကစၢ်သးဒၣ်ဝဲန့ၣ်လီၤ. တၢ်ဒ့တၢ်အူန့ၣ် ဘၣ်တၢ်ရဲၣ်ကျဲၤဝဲဒၣ်အီၤလၢ Frank Yamma - “ဖြဲၣ် ယါမါ” န့ၣ်လီၤ. Photo by Jimmy Widders Hunt.
